ДИЛ ИЗҲОРИ

МИННАТДОРМИЗ

Оиламиз катта. Тўрт нафар фарзандимиз бор. Ота-она учун боласининг саломатлигидан кўра ортиқроқ бахт бўлмаса керак. Фарзандимиз Ўғилойнинг кўриш қобилияти пастлиги туфайли, мана, беш йилдан буён ҳар олти ойда Андижон вилояти кўп тармоқли болалар шифохонасида даволатиб келамиз.

Шифокорларга раҳмат! Мазкур шифохонанинг бўлим мудири Абдураҳмон Ғаниев, шифокорлар Дилоромхон Мухторова, Илёсбек Мўминов, ҳамширалар Дилрабохон Ғофурова, Ферузахон Нажмиддинова, Одинахон Мирзаолимова, Рашидахон Усмонова, Гуласалхон Усмонова ҳамда Муножатхон Ўсароваларнинг беминнат ёрдамлари, муолажалари билан қизимиз шифо топмоқда.

Энг муҳими, қизимнинг шифо топиши учун барча ёрдамни бериб келмоқдалар.

Истагимиз, ширинзабон шифокорлар соғ-омон бўлишсин, қўллари дард кўрмасин!

ТОЛИБЖОНОВЛАР оиласи,

Андижон шаҳри.