ТАЛАБАЛАР БАҲСИ

"Камолот" ЁИҲ вилоят бўлими ташаббуси билан Андижон қишлоқ хўжалик институтида "Заковат" интеллектуал ўйини бўлиб ўтди.

Унда Андижон давлат тиббиёт институтининг "Авиценна", Андижон машинасозлик институтининг "Тафаккур", Андижон давлат университетининг "А-Z" ва мезбонларнинг "Парламент" жамоалари ўзаро куч синашдилар.

Мазкур баҳсда ёшларнинг билими, дунёқараши ва фикрлаш доиралари синовдан ўтказилди. Унда "Парламент" жамоаси билимдонлари ғолиб деб топилди. "А-Z" ва "Авиценна" жамоалари эса 2-ва 3-ўринларни банд этишди.

ЯНГИ ТАРМОҚ ТАҚДИМОТИ

Андижон давлат университетида янги ижтимоий "www.mulo-qot.uz" деб номланган тармоқ тақдимоти бўлиб ўтди. Унда тармоқ раҳбари Ф.Файзуллаев, менежер Л.Хигай, "Келажак овози" ЁТМ вилоят бўлими вакиллари ва талабалар иштирок этдилар.

Ўзбекистондаги илк оммалашган компьютер тармоғи қатор афзалликларга эга.

Тадбир сўнгида меҳмонларнинг ЭҲМ ва интернетга оид саволларига тўғри жавоб берган фаол талабалар ташкилотчиларнинг эсдалик совғалари билан тақдирландилар.

Элмурод АБДУЛЛАЕВ,

АДУ талабаси.