АЁЛЛАР СПАРТАКИАДАСИ

Қорасув шаҳрида шаҳар хотин-қизлар қўмитаси ташаббуси билан "Мустаҳкам оила йили"га бағишланиб, "Соғлом она - юрт бахти" мавзуида аёллар спартакиадаси ўтказилди. Унда маҳалла фуқаролар йиғинлари, қишлоқ хўжалик касб-ҳунар коллежи, тиббиёт бирлашмаси, халқ таълими ҳамда шаҳардаги 19-ДИМИда фаолият кўрсатаётган хотин-қизлардан ташкил топган 5 жамоа спортнинг бир неча тури бўйича ғолиблик учун баҳс олиб бордилар.

Мусобақалар якунига кўра, тиббиёт тизими вакиллари биринчи, халқ таълими жамоаси иккинчи, маҳалла ва коллеж жамоалари учинчи ўринга сазовор бўлдилар.

Ғолибларни Қорасув шаҳар ҳокимининг ўринбосари, шаҳар хотин-қизлар қўмитаси раиси Р.Абдураҳмонова, "Нуроний" жамғармасининг шаҳар бўлинмаси раиси К. Абдумаматов ҳамда ЎзХДП шаҳар кенгаши раиси Г.Ғозиевалар қутлашиб, уларга эсдалик совғалари топширдилар.

С.ХАСАНОВ.