САВОДХОНЛИК БАЙРАМИ

Андижон шаҳридаги 18-умумтаълим мактабида саводхонлик байрами бўлиб ўтди. Байрамда ота-оналар, мактаб ўқитувчилари иштирок этдилар.

Тадбирда ўқувчилар томонидан Ватан, давлат рамзлари, устозлар, оналар, тинчлик ҳақидаги шеър ва қўшиқлар ижро этилди, қизиқарли, қувноқ ўйинлар бўлиб ўтди. Фаол қатнашган ўқувчилар тақдирланди.

Мазкур саводхонлик байрамини ўтказишда мактабнинг бошланғич синф ўқитувчилари Мастурахон Зиёиддинова, Ойистахон Мирзаева, Азизахон Нажмиддинова, Назирахон Ибрагимова, Зиёдахон Зайнобиддинова ва Муҳаббатхон Нуриддиноваларнинг хизматлари катта бўлди.

Якунида мактаб директори, Ўзбекистон халқ таълими аълочиси Вазирахон Ибрагимова барча иштирокчиларни байрам билан табриклади.

Ш.КЕЛДИЕВ