ДИЛ ИЗҲОРИ

Муқаддас даргоҳ

Келинчак! Сулув, муниса келинчак, балки сенинг қал-бингда ҳам ғайрат, шижоат ўз ўрнида оташ муҳаббат ўша ўтган момолардан қолган излардир. Аждодлардан мерос - севиш, севилиш туйғуси ила муқаддас остонага қадам қўйдинг. Оила аталмиш даргоҳни азиз билиб, ҳам унда ўзинг азиза бўлиш орзусида келдинг. Бунинг учун энг аввало, ўз хонадонингни жон дилингдан суйгин, анъаналарингни асрагин. Онажонинг таъкид этганидек, мўъжазгина маҳаллангни қадрла, қўни-қўшнига насиба илиниб тургин. Айниқса, остонанг-ни гулларга буркагин, уни хатлаб ўтганларни илиқ кутиб ол ва ўзинг улар мафтун бўлиб турган гўзаллик - гулларнинг бир қисмидай бўлиб кўрингин.

Зеро, оилани гулдай яшнатди, дея сенга ҳавас этсинлар. Рўзғорни увол этмагил.

Дунё яшайверади. Бир куни наққош тақдир чеҳрангга ажиб зийнатли чизиқлар тортади. Ёнингга - ҳаётнинг ўзидай сокин, вазмин қайнонангга боқ, ҳикматгўй қайнота, тўй-маъракалар файзига айланган қўшнилар-оналарга қулоқ сол, сенга умид ва ишонч билан нигоҳ ташлаётган турмуш ўртоғингга назар сол. Бу муқаддас даргоҳдан норизо бўлиб қайтмагин. Кетмоқликдан асрасин!

Ҳамрохон

МАМАТҚУЛОВА,

Жалақудуқ тумани.