"ОИЛА - МУҚАДДАС ҚЎРҒОН"

Андижон қишлоқ хўжалик институтида Мустаҳкам оила йили муносабати билан шу номдаги семинар ташкил этилди. Институт хотин-қизлар қўмитаси ҳамда Андижон тумани фуқаролик ҳолати далолатномаларини қайд этиш бўлими билан ҳамкорликда уюштирилган ушбу тадбирда профессор-ўқитувчилар, ишчи-хизматчи аёллар, талаба қизлар, шунингдек, талабалар турар-жойининг тарбиячилари иштирок этдилар.

Тадбирда сўзга чиққанлар оиланинг муқаддаслиги, қизларнинг одоб-ахлоқи, никоҳланувчи ёшларнинг саломатлиги тўғрисида гапириб, тўй-хашам ва бошқа маросимларни ихчамлаштириш ҳақидаги ўз фикр ва мулоҳазаларини билдирдилар.

Тадбир сўнггида семинар қатнашчиларига "ОИТСдан сақланиш ҳақида", "Никоҳ ҳақида нимани биласиз?", "Ёш келин-куёвларга" мавзуларидаги буклетлар тарқатилди.

З. ЖЎРАЕВА.