ВАТАН - БОҒДИР, СЕН УНДА ҒУНЧА...

Бу диёрнинг дашту шаҳрин кез,

Минг қарама - кўзинг тўймайди.

Тўрғай наво солса саҳаррез,

Сени мафтун қилмай қўймайди.

Ватан - боғдир, сен унда ғунча,

Хасин ёвга раво кўрганмас.

У қўрилар ўла-ўлгунча,

Мард Ватанга терс сўз айтганмас.

Ватан аслан уйдан, кўчадан,

Кўзга суюк жойдан бошланар.

У оналар ёпган кулчадан,

Балоғатга қадам ташланар.

Осмон битта, ер битта, жаннат, -

Саккизтамиш. Юзта бўлса ҳам,

Бу тупроққа алишмам-жиҳат.

Хасида ҳам жаннат мужассам!

Мўмин САТТОР.