"КАСБЛАР ОЛАМИГА САЁҲАТ"

Андижон шаҳридаги 6-умумтаълим мактабида ана шу номда тадбир бўлиб ўтди. Тажрибали педагог, физика фани ўқитувчиси Б. Қосимова томонида ташкил этилган мазкур тадбирда касблар бўйича кўргазма ташкил этилди, ўқувчилар эса турли касблар бўйича кенг маълумотлар олдилар, келажакда қайси касбни танлаш хусусида ўзаро фикр алмашдилар.

Мавзу доирасидаги қизиқарли маърузалар, савол-жавоблар ўқувчиларнинг бу борадаги билим ва дунёқарашларини янада бойитди. Уларнинг қалбида келажакда етук инсон, ўзлари танлаган соҳанинг моҳир эгаси бўлиш, Ватанга муҳаббат туйғуларини тарбиялашга хизмат қилди.

З. АКБАРОВА.