"ОҒУСИЗ ҲАЁТ САРИ"

Олтинкўл туманидаги 19-умумтаълим мактабида "Оғусиз ҳаёт сари" деб номланган тадбир бўлиб ўтди. Унда мазкур мактаб ўқувчилари, шу ҳудуддаги "ОРС" маҳалласи фаоллари, ота-оналар иштирок этдилар.

Тадбирда 19-умумтаълим мактаби директори Гулнорахон Абдумажидова, Олтинкўл тумани ИИБ Вояга етмаганлар билан ишлаш бўлинмаси инспектори, Абдураҳим Баратовлар сўзга чиқишиб, ўқувчи ёшлар ўртасида гиёҳвандлик ва ҳуқуқбузарликнинг олдини олиш, уларни турли диний оқимларга кириб қолишдан сақлаб қолиш чора-тадбирлари хусусида маъруза қилдилар.

Кеча давомида ўқувчилар ўртасида гиёҳвандлик ва унинг салбий оқибатлари тўғрисида иншолар танлови ўтказилиб, унда Мадинахон Ҳамидова ғолиб деб топилди.

Ш. КЕЛДИЕВ.