БАЙРАМ ИЛҲОМЛАРИ

8 МАРТ

Хотин-қизлар куни Саккизинчи март,

Барча аёлин улуғлаб бошга кўтарар.

Йигитлар тилида изҳори муҳаббат,

Севгилисин шарафлаб гуллар тутарлар.

Жунбушга келгандек муқаддас туйғу,

Аёллар ёдидан бир-бир ўтарлар.

Муқаддас туйғуга бергандек урғу,

Ошиқлар маъшуқин беҳад эъзозлар.

Аёлни улуғлаб айтилган сўзлар,

Муқаддас аёлнинг қўлин ўпарлар.

Меҳрга лиммо-лим тўлиқ бу кўзлар,

Аёллар ёдидан бир-бир ўтарлар.

Хотин-қизлар куни Саккизинчи март,

Эркаклар орзиқиб ҳар йил кутарлар.

Эркаклар шу куни ниҳоятда мард,

Аёлни шарафлаб гуллар тутарлар.

Эркинжон ОХУНЖОНОВ.

ОНА

Энг улуғ меросдан устундир сўзинг,

Олам сен-ла ёруғ, кўркам замона.

Ўша буюк шарқнинг гавҳари ўзинг,

Жаннат ифорисан, мўътабар она.

Меҳринг томчисидан яралгай чаман,

Юрак оҳангингга жўр бўлар булбул.

Табиат гўзали - капалаклар ҳам,

Чиройинг қошида, ҳайратда буткул.

Маъсум кўзларингда ташвиш-ўйлари,

Қалбинг торларида бардошинг куйлар.

Фарзандларинг кўрсанг, соғлом бўйларинг,

Ул севинч ёшларинг, шукрона сўйлар.

Хуш ялпиз атрини эслатиб турар,

Она-юрт сингари танҳо, ягонам.

Кўнглида эзгулик, шодлик уфурар,

Умримнинг толаси, жаннатим, онам.

ГўзалойАБДУЛЛАЕВА,

Булоқбоши тумани.