"БИЗ ТЕМУР АВЛОДЛАРИМИЗ"

Андижон туманидаги Агросаноат касб-ҳунар коллежида Соҳибқирон Амир Темур таваллудининг 676 йиллигига бағишланиб "Биз Темур авлодларимиз" деб номланган тадбир бўлиб ўтди.

Унда коллеж ўқувчилари улуғ бобомизнинг ҳаёти ва ибратли ишлари тўғрисида маъруза қилдилар. Унинг салтанат қуриш йўлидаги фаолиятини акс эттирувчи саҳна кўриниши намойиш этилди.

Шунингдек, тадбирда баҳор, ватан ва мустақилликни тараннум этувчи куй-қўшиқлар янгради, иқтидорли ўқувчилар томонидан жозибали рақслар ижро этилди.

Ушбу тадбир ҳар бир ўғил-қизнинг ёдида узоқ вақт сақланиб қоладиган даражада кўтаринкилик билан ўтказилди.

Фаол иштирокчиларга коллеж маъмуриятининг эсдалик совғалари топширилди.

Э.АБДУЛЛАЕВ.