ХОРИЖЛИКЛАР ИШТИРОКИДА СЕМИНАР

"Аёллар кенгаши" жамоат бирлашмаси Андижон вилояти филиалида "Ғriedrich Ebert Stiftung" фонди ваколатхонаси вилоят ҳокимлиги билан ҳамкорликда "Соғлом турмуш тарзини, оила мустаҳкамлигини ошириш бўйича аҳолининг ҳуқуқий маданиятини юксалтириш" мавзуида семинар бўлиб ўтди.

Семинар машғулотида Андижон ва Олтинкўл туманидаги таълим муассасалари ўқитувчилари иштирок этдилар. Семинар ишида фонд раҳбари Пьер Тешендорф ҳамда мазкур фонд мутахассиси Наиля Резяповалар мавзу доирасида маъруза қилди. Шунингдек, вилоят ҳокимининг ўринбосари, хотин-қизлар қўмитасининг раиси Н.К. Якубова қатнашчиларга хотин-қизларнинг ҳуқуқий маданиятини ошириш борасида олиб борилаётган ишлар ва келгусидаги вазифалар ҳақида сўзлади.

Шу куни андижонлик талабалар хорижлик меҳмон билан немис тилида эркин мулоқот қилдилар.

Семинар машғулоти баҳс-мунозара, савол-жавоб тарзида бўлиб, иштирокчиларда катта таассурот қолдирди.

С. АБДУСАЛОМОВА.