КЕЛИНГ, БИР КУЛИШАЙЛИК

Бир ароқхўр қўшнисига шикоят қилди:

- Одамлар жуда ноинсоф-да, тунов куни тўйдан келаётган эдим, биттаси қўлимни босиб олди.

Дорихонада бир киши сотувчидан сўради:

- Оқ соч учун сизда бирор нарса борми?

- Албатта-да, чуқур ҳурмат бор!

- Илтимос, доктор, тезроқ етиб келинг, эримнинг иситмаси 100 даражага чиқиб кетди, - дея тез тиббий ёрдамни чақирди ваҳимачи аёл.

- Унда ўт ўчириш командасини чақиринг.

Бир аёл машҳур, лекин кўримсизроқ бўлган композитордан сўради:

- Кечирасиз, сўраганнинг айби йўқ. Нега шу ёшгача уйланмай бўйдоқ юрибсиз?

- Ҳеч қайси аёл менга турмушга чиқиш истагини билдирмади, - деди композитор. - Агар бирортасининг менга ишқи тушиб қолганда ҳам, мен у аёлга дидсизлиги учун уйланмаган бўлардим.

Тўпловчи: ЗАҲРОХОН.