Пазанда маслаҳати

"АНТИҚА" ТАОМ

Керакли масаллиқлар: 6 дона тухум, 1 донадан картошка ва сабзи, бир боғ кўкат, 250 гр. ўсимлик ёғи, 200 гр. майонез, 100 гр. пишлоқ, 2 чой қошиқда кўк нўхот, туз ва зираворлар.

Тайёрланиши: Картошка ва сабзини сомонча шаклида тўғраб, ҳар иккисини алоҳида қовурасиз. Алоҳида идишларга икки донадан тухумни чақасиз ва бирига пишган картошкани, иккинчисига пишган сабзини, учинчисига эса майда тўғралган кўкат ва зираворларни солиб, тузини ростлайсиз ҳамда яхшилаб аралаштирасиз. Кейин уларни қиздирилган ёғда алоҳида-алоҳида қовурасиз ва аста ликопга устма-уст соласиз. Ҳар бирининг орасига майонез суртасиз. Устки қаватига ҳам майонез суртиб, қирғичнинг майда тарафидан ўтказилган пишлоқ ва кўк нўхотдан қўйиб чиқасиз.