ҚИЗЛАРНИ МИЛЛИЙ ҚАДРИЯТЛАР РУҲИДА ТАРБИЯЛАЙЛИК

Маълумки, олийгоҳдаги таълим жараёнида талаба ва педагог ўртасида вужудга келадиган психологик муносабатлар нафақат уларнинг дарсларни ўзлаштиришига, балки тарбияси ҳамда маънавий етукликнинг шаклланишига ҳам муайян таъсирини ўтказади. Бунда ўқитувчининг ўз ишига сидқидилдан ёндошиши, талабчанлиги, талабаларга бўлган муомаласи катта аҳамиятга эга.

Педагог талабалар олдидаги обрў-эътиборини фақатгина ўзининг одоби билангина эмас, балки ўзининг кийиниши, хулқи, эстетик диди билан ҳам ўрнак бўлиши лозим.

Миллий қадриятларимиз, анъаналаримиз сайқал топаётган бир пайтда талаба-қизларимизда шарқона хулқ-атворни шакллантиришда мураббийларнинг хизматлари беқиёс. Эндигина ҳаётга қадам қўяётган қизларимизга миллий урф-одатларимиз ҳақида тушунчалар бериш, халқимизнинг ўзига хос анъана ва урф-одатлари билан таништириш долзарб масалалардан бири ҳисобланади. Афсуски, ҳозирги кунда талаба-қизлар орасида одатга айланаётган европача хулқ-атвор, бизнинг менталитетимизга мос келмайдиган кийиниш ҳолатлари учраб турибди. Биз бундай ҳолатларни бартараф этиш учун талабаларимиз ўртасида маънавий-маърифий ишларни янада кучайтиришимиз, уларни миллий қадриятлар руҳида тарбиялашга алоҳида эътибор қаратишимиз зарур. Шундагина, ёшларимизни комил инсонлар бўлиб улғайишларига тамал тошини қўйган бўламиз.

Гавҳарой НУРИДДИНОВА,

Минура БОЗОРОВА,

Малика ПОЗИЛЖОНОВА,

Андижон давлат тиббиёт институти ўқитувчилари.