№23, 24.05.2012 ПОМИДОРЛИ САЛАТ
Керакли масаллиқлар: 2 дона янги саримсоқпиёз, 150 гр. пишлоқ, 100 гр. майонез, ярим боғ укроп, 4 дона помидор.
Тайёрланиши: Помидорларни ювиб, тепа қисмидан озгина қирқасиз ва ичини қошиқчада тозалайсиз. Саримсоқпиёзни майда тўртбурчак қилиб тўғрайсиз. Пишлоқни қирғичдан ўтказиб, помидор ичидан чиққан масаллиққа соласиз. Сўнг майонез қўшиб, барча масаллиқни яхшилаб аралаштирасиз. Тайёр бўлгач, бир ош қошиқдан помидор косачаларига оҳисталик билан солиб чиқасиз ва устини помидор қопқоқчаси билан ёпиб, бир четига укропдан қистириб қўясиз.
Дастурхонга тортишдан аввал ликопларга салат баргидан солиб, кейин помидорни жойлаштирасиз.
"Таомнома" китоби асосида ГУЛИ тайёрлади.
|