№26, 14.06.2012 ЗАМОНАВИЙ ТАЛАБ АСОСИДА
Андижон давлат тиббиёт институти қошидаги 1-сонли академик лицейда касб-ҳунар коллежлари ва академик лицейлари биология фани ўқитувчиларининг вилоят семинари бўлиб ўтди.
Семинарда "ГЕН инженерлиги" мавзусида очиқ дарс ўтказилди. Машғулотни лицейнинг тажрибали биология фани ўқитувчиси Наргизахон Розиқова олиб борди. Янги, замонавий педагогик технология асосида ўтказилган очиқ дарс ўқитувчиларда катта таассурот қолдирди.
Семинар доирасида гиёҳ-вандликка қарши кураш бўйича ҳам тадбир ўтказилди. Бунда ўқувчи-ёшлар гиёҳвандликнинг зарарли оқибатлари тўғрисида саҳна кўринишлари намойиш этдилар. Тадбир сўнггида лицей ўқувчилари томонидан тайёрланган бадиий дастур намойиш этилди.
Ш. КЕЛДИЕВ,
жамоатчи мухбир.
|