БАЙРАМ ТАДБИРИ

27 июнь - Матбуот ва оммавий ахборот воситалари ҳодимлари куни муносабати билан жойларда тадбирлар ташкил қилинмоқда.

Ана шундай тадбирлардан бири "Асака ҳаёти" газетаси таҳририяти томонидан ўтказилди. Тадбирда фахрий журналистлар вилоятдаги газеталар муҳаррирлари, жамоатчи мухбирлар ҳамда ижодкорлар иштирок этдилар.

- Вилоятимизда фаолият юритаётган босма оммавий ахборот воситалари орасида "Асака ҳаёти" газетаси ўз ўрни, ўз сўзи ва нуфузига эга нашрлардан биридир, - дейди "Андижоннома" ва "Андижанская правда" газеталари бош муҳаррири А. Даминов. - Шуни алоҳида таъкидлаш жоизки, кейинги йилларда газета қиёфаси, унда бериладиган материаллар мазмун-моҳияти тубдан ўзгарди.

Дарҳақиқат, газета тайёрлаш жараёнида янги-янги рукнлар ташкил этиш, мазмунли мақолалар тайёрлаш, саҳифаларнинг безатилишидаги ранг-баранглик... Буларнинг ҳаммаси газета ижодкорларининг тинимсиз изланишлари маҳсулидир.

Тадбир якунида, бир қатор фаол ва фахрий журналистлар туман ҳокимлигининг фахрий ёрлиғи ва эсдалик совғалари билан тақдирландилар.

О. ВАҲОБЖОНОВА.