ИЛҒОР ПИЛЛАКОРЛАР

Қишлоқ хўжалиги соҳасида пиллачиликнинг ҳам ўзига яраша ўрни, сир-асрори бор. Асака тумани "кумуш тола" етиштирувчилар бу соҳада катта тажрибага эга. Жорий йилда тумандаги фермер хўжаликлари ҳамда қурт боқувчилар ўртасида 5267 қути ипак қуртидан 305 тонна пилла олиш учун 4383 та ички шартномалар тузилган эди. Асакалик пиллакорлар салкам бир ойлик меҳнатлари "мева"сини йиғиштириб, мавсумни муваффақиятли тугаллаб, режани бажардилар.

"Асакалик йўлдошали ери" номли фермер хўжалиги ҳудудида яшовчи илғор пиллакорлар Марғубахон Абдураимова ҳамда Солияхон Қодирова кўп йиллардан буён соҳа ривожига муносиб улуш қўшиб келмоқдалар. Жорий мавсумда уларнинг ҳар бири 2 қути пилладан 116 килограмм ўрнига давлатга 135 килограммдан 1-навли пилла етказиб, илғорлар сафидан ўрин олдилар.