ЛАПАР ВА ЎЛАН ИЖРОЧИЛАРИ КЎРИГИ

Андижон санъат коллежида 2012 йил "Мустаҳкам оила йили"га бағишланиб ўтказилаётган республика лапар ва ўлан ижрочилари кўрик-танловининг вилоят босқичи бўлиб ўтди. Унда вилоятимизнинг барча шаҳар ва туманларидан келган ижрочилар иштирок этдилар.

Танловнинг якуний натижаларига кўра, лапар ижрочилиги бўйича биринчи ўрин Балиқчи туманилик Муҳаррам Тоштемировага, ўлан айтиш бўйича эса Асака туманилик Марҳабо Сатторова ҳамда Баҳодир Исмоиловларга насиб этди.

Ғолиблар диплом ва эсдалик совғалари билан тақдирландилар ҳамда танловнинг республика босқичида қатнашиш ҳуқуқини қўлга киритдилар.

У. АБДУСАЛОМОВ.