"ЯРИМ ОЙ" СОМСА

Керакли масаллиқлар: 200 гр. ун, 100 гр. қирғичдан ўтказилган пишлоқ, 1 дона тухум, икки боғ кўкат, туз, оқ кунжут.

Тайёрланиши: Намакобли сувга ун солиб, хамир қорасиз ва тиндиришга олиб қўясиз. Кўкатни майда тўғраб, тузини ростлайсиз.

Жува ёрдамида хамир энини 22 см. қилиб ёясиз. Кейин хамир ичига узунасига қилиб кўкат соласиз. Устидан қирғичдан ўтказилган пишлоқни қўйиб чиқасиз. Асталик билан хамирни ярим ой шаклида тугасиз. Хамир четларини бармоқлар билан эзиб, шакл берасиз. Устига чақилган тухумдан суртиб, оқ кунжутдан сепиб қўясиз.

Сомсани ёғланган патнисга соласиз ва 20 дақиқа давомида духовкага қўйиб, паст оловда пиширасиз.

Тайёр бўлган сомсани олиб, кесасиз ва ликопга солиб, дастурхонга тортасиз.

"Таомнома" китоби асосида ГУЛИ тайёрлади.