Пазанда маслаҳати

"ШОҲ" ТАОМИ

Керакли масаллиқлар: 350 гр. мол гўшти, бир пиёла ун, 1 дона тухум, 200 гр. ўсимлик ёғи, 2 донадан помидор ва бодринг, бир боғ салат барги, 100 гр. ёғли пишлоқ, 2 дона қовурилган картошка, туз, зираворлар .

Тайёрланиши: Гўштни ўртасидан икки бўлакка бўлиб, махсус болғачада уриб чиқасиз. Туз ва зиравор сепиб, 30 дақиқага олиб қўясиз. Кейин гўштнинг икки тарафини аввал унга, кейин чақилган тухумга ботириб оласиз. Доғ бўлган ёғда гўштни қовуриб, ликопга қўйиб, устига бир дона тилимланган помидор ва қирғичдан чиқарилган пишлоқни сепасиз.

Сабзавотли шўрвадан бир пиёла олиб, қозонга қуясиз ва қовурилган гўштни соласиз. Таом устини ёпиб, 20 дақиқа давомида димлаб пиширасиз.

Ликоп атрофини помидор, бодринг ҳамда салат барги билан безаб, қовурилган картошка ҳамда тайёр бўлган таомни ликопга жойлаштирасиз.