УЙ БЕКАСИ - СПОРТЧИ

Туманнинг деярли барча ҳудудларида спорт билан мунтазам шуғулланиш учун қулай шарт-шароитлар яратилгани хотин-қизларга ҳам жуда қўл келмоқда. Эътиборли томони, уларнинг кўпчилигини уй бекалари ташкил этади.

Мустақиллигимизнинг 21 йиллигига бағишланиб, Андижон шаҳридаги Олимпия захиралари коллежида республика аёллар спорт фестивали ўтказилди. Фестиваль иштирокчилари орасида нафақат ёш аёллар, балки ўсмир қизлар, ёши катта онахонларнинг ҳам борлиги ҳаммани қувонтирди. Унда иштирокчилар спортнинг 8 та тури бўйича беллашдилар. Сузиш, теннис, югуриш бўйича, умуман, умумжамоа ҳисобида Избоскан тумани жамоаси биринчи ўрин соҳиби бўлдилар.

ЗУМРАДХОН АБДУЛЛАЕВА