АНДИЖОН

Бобур Мирзо соғинган ҳур, азиз макон, Андижон,

Кўзларимга нур бахш этган танимга жон, Андижон.

Дунёларга жило берган нақшсан сен ўзгача,

Танҳо топган бахтимдирсан дўст-қадрдон, Андижон.

Маҳлиёдир олам сенга, ҳатто кўкда ҳилол ҳам,

Нодиранинг байтларига ажиб маржон, Андижон.

Машраб кўнглин чироғисан, Чўлпон дилин машъали,

Хаёлларим ранглаган бахт, қувончга кон, Андижон.

Самовотдан ёғилгай сенга бисёр неъматлар,

Не-не жабр-жафо кўрдинг эй онажон, Андижон.

Жаннатдирсан - Аллоҳ назар ташлаган диёрдирсан,

Кимлар етди бу кунларга кимга армон, Андижон.

Қаддинг баланд, қадринг осмон каъба каби улуғсан,

Нуриллога она бўлдинг - сенга ўғлон, Андижон.

Нурилло ТЎХТАСИНОВ,Пахтаобод тумани.