ХУШ АЙЁМНИНГ ҚУВОНЧИ

Ватанимиз Мустақиллигининг 21 йиллиги арафасида бир гуруҳ ҳамюртларимиз қатори мен ҳам давлатимизнинг мукофоти - "Шуҳрат" медали билан тақдирландим. Бу аввало, Истиқлол туфайли давлатимиз томонидан биз хотин-қизларга берилган юксак эътибор, эътирофнинг ёрқин намунасидир.

Чунки, туман хотин-қизлар қўмитаси ҳар нафасда Президентимиз ва ҳукуматимизнинг аёлларга баланд эътиборини, ишончини ҳис этиб, шу эътибордан рағбатланиб келяпти. Шу боис ҳам бугун Мустақиллигимизнинг йигирма биринчи йилида қадамларимиз янада дадиллашмоқда.

Бугунги кунда туманимизда 175 минг нафар аҳоли истиқомат қилса, шундан 78 минг нафарини хотин-қизлар ташкил этади. Серҳаракат, мулоҳазали, тежамкор аёлларимизнинг ўз оиласи, яқинлари, фарзандлари билан муносабатида намоён бўладиган бу фазилатларни жамиятда юзага чиқариш, уни фаол фуқаро даражасига кўтариш муҳим вазифамиздир.

Қилган меҳнатларимиз қадрланадиган мана шундай озод ва обод Ватанда яшаётганим, меҳнат қилаётганим мени доимо руҳлантиради.

Матлубахон ҲАЛИЛОВА,

Балиқчи тумани ҳокимининг ўринбосари, хотин-қизлар қўмитаси раиси,

"Шуҳрат" медали соҳибаси.