ҚУТЛОВ

"МЕҲНАТЛАРИМ ТАҚДИРЛАНДИ"

"ШОИРА-БОНУ-78" ФИРМАСИ ДИРЕКТОРИ, "ШУҲРАТ" МЕДАЛИ СОҲИБИ, ШОИРАХОН ИСРАИЛОВА:

Ўзбекистонимиз мустақилликка эришгач, тадбиркорликка кенг йўл очилди. Айниқса, аёллар тадбиркорлигига. Мен аввалига тадбиркорлик билан шуғулланиб корхона очишга иккиландим. Аммо Юртбошимизнинг тадбиркорларни қўллаб-қувватлаш борасидаги ғамхўрлиги, эътиборини кўриб "Албатта тадбиркор бўламан" дея аҳд қилдим ва 1993 йили "Шоира-бону-78" фирмасини ташкил этдим.

Тадбиркорликни саккизта тикув машинаси, саккиз нафар ишчи билан бошладик. Секин-аста ишимиз юришиб кетди. Айни пайтда фирмамизда 25 нафар хотин-қиз меҳнат қилади. Улар орасида моҳир чеварлар, бичувчилар бор. Имкониятимиз кенгайди. Фирмамизда асосан, болалар ва ўсмирлар учун устки кийимлар тикилади. Улар бежиримлилиги, пишиқлиги билан харидоргирдир. Банк-лардан олган кредитларимиз ишимизнинг жадал юришига кўмак берди, албатта.

Президентимизнинг жорий йилнинг июль ойида эълон қилган "Статистик, солиқ, молиявий ҳисоботларни, лицензияланадиган фаолият турлари ва рухсат бериш тартиб-тамойилларини тубдан қисқартириш чора-тадбирлари тўғрисида"ги ҳамда "Ишбилармонлик муҳитини янада тубдан яхшилаш ва тадбиркорликка янада кенг эркинлик бериш чора-тадбирлари тўғрисида"ги Фармонлари биз каби тадбиркорларнингг эркин ишлаши учун янада қулай имкониятлар яратди. Биз бундан қувондик. Кучимизга куч, ғайратимизга ғайрат қўшилди.

Ўтган 2011 йили "Ўзбекистон Республикаси мустақиллигига 20 йил" эсдалик нишони, бу йил эса "Шуҳрат" медали билан тақдирландим. Буни Юртбошимизнинг тадбиркорларга кўрсатаётган ғамхўрлиги ифодаси, деб биламан.