ОЛТИНКЎЛДА ЯНГИ ТУҒРУҚ МАЖМУИ

Олтинкўл туманида янги туғруқ мажмуи қурилиб, фойдаланишга топширилди.

Юртимизнинг барча жойларида бўлгани каби тиббиёт тизимида Олтинкўл туманида ҳам кенг кўламли ишлар амалга оширилмоқда.

Кейинги йилларда туман тиббиёт бирлашмаси тасарруфидаги марказий шифохона, кўп тармоқли марказий поликлиника, 26 та қишлоқ врачлик пункти бугунги кун талаблари асосида таъмирланиб, замонавиий тиббий, диагностик асбоб-ускуна ва жиҳозлар билан таъминланди. Хусусан, туман марказидаги туғруқ мажмуининг барпо этилиши туман аҳолисини беҳад мамнун этди.

- Икки қаватли замонавий туғруқ мажмуининг қурилиши учун 2.5 млрд сўм маблағ сарфланди, - дейди туман тиббиёт бирлашмаси бош врачи Аҳмаджон Исроилов. - Мажмуадаги учта бўлим энг замонавий тиббий ускуналар билан таъминланди, самарали иш олиб бориш, қолаверса, аҳолига малакали тиббий хизмат кўрсатиш учун зарур барча шароитлар яратилди.

Мамлакатимизда тиббий хизмат сифати ва савиясни юксалтириш, тиббиёт муассасалари моддий-техника базасини мустаҳкамлаш борасида олиб борилаётган бу каби хайрли ишлар юртимизда инсон омилига, аҳоли соғлигини муҳофаза қилишга кўрсатилаётган эътиборнинг ёрқин намунасидир.