МАҲАЛЛАЛАРДА ТАРҒИБОТ ТАДБИРЛАРИ

Шу кунларда вилоятимизнинг барча ҳудудларида "Мустаҳкам оила йили" давлат дастури доирасида маънавий-маърифий тадбирлар, учрашувлар, тушунтириш-тарғибот ишлари ўтказилмоқда. Бўз туманида ҳам бу борада ибратли ишлар амалга оширилмоқда.

Куни кеча туман хотин-қизлар қўмитаси, "Маҳалла" хайрия жамоат фонди, "Камолот" ЁИҲ, "Нуроний" жамғармаси туман бўлимлари, ички ишлар бўлими, ФХДЁ, диний идора ҳамда сиёсий партиялар вакиллари иштирокида тумандаги А. Йўлчиев, Насриддинбек, Гузар, Ўрда тўп маҳалла фуқаролар йиғинларида "Оилада ёшлар тарбиясининг аҳамияти", "Оиладаги тарбия, тажриба ва истиқболдаги вазифалар", "Тўйларимиз - ўйларимиз", "Оила-менинг қутлуғ боғим" каби мавзуларда давра суҳбатлари ўтказилди.

Тадбирларни ўтказишдан асосий мақсад- мамлакатимизда ижтимоий, иқтисодий соҳаларда амалга оширилаётган улкан бунёдкорлик ишлари билан фуқароларни таништириш, аҳоли маънавияти ва сиёсий онгини янада юксалтиришдан иборат.

Ўтказилган тадбирларда иштирокчилар ўзларини қизиқтирган саволларига жавоблар олдилар. Бу каби маънавий-маърифий тадбирлар тумандаги барча МФЙларда давом этмоқда.

К. ТОЖИҲАЛИЛОВА.