МЕҲНАТДАН ҚАДР ТОПДИМ

Мустақиллигимизнинг 21 йиллиги муносабати билан барча юртдошларим қатори Президентимизнинг юксак мукофоти "Шуҳрат" медалига лойиқ деб топилганим, шундай ишончга сазовор бўлганим қалбимни фахр ва ифтихорга тўлдирди.

Чекка бир қишлоқда яшаб, меҳнат қилаётган оддий бир тикувчи аёлга кўрсатилган бундай эҳтиромдан бошим кўкка етди. Ҳали ҳам ҳаяжондаман. Мен меҳнат қилаётган Хўжаобод МЧЖ нафақат туманимиз, балки вилоятимиз, бутун республикамиз аҳолисига сифатли маҳсулот етказиб бериши билан машҳур.

Мана, салкам 30 йилдан буён болалар спорт буюмлари ишлаб чиқарувчи мазкур жамиятда тикувчи бўлиб ишлаб келмоқдаман. Ҳаётим давомида шунга амин бўлдимки, меҳнат қилган одам қадр топаркан.

Бундан кейин ҳам Юртбошимиз ишончини оқлаб, бундан-да яхшироқ натижаларга эришишга ҳаракат қиламан.

Дилфузахон АБИДОВА,

"Шуҳрат" медали соҳибаси.