ОЧИҚ ЭШИКЛАР КУНИ

Андижон шаҳридаги "Баркамол авлод" ёшлар марказида очиқ эшиклар куни бўлиб ўтди. Унда шаҳардаги бир қатор мактаблардан 150 нафардан ортиқ ўқувчилар иштирок этди.

Айни пайтда "Баркамол авлод" ёшлар марказида ёш мусаввирлар, тўқувчилик, юмшоқ ўйинчоқлар ясаш, компьютер саводхонлиги сингари ўндан ортиқ тўгараклар фаолият олиб бормоқда. Тадбирда тўгарак аъзолари ўзлари тайёрлаган кўргазмалари билан иштирок этдилар.

Тадбир сўнгида танловлар ўтказилиб, ғолиблар муносиб тақдирланди.

Ш. КЕЛДИЕВ.

УЛУҒНОРДА БАДИИЙ ГИМНАСТИКА МУСОБАҚАСИ

Улуғнор туманида 1998-2006 йилларда туғилган қизлар ўртасида бадиий гимнастика бўйича мусобақа бўлиб ўтди. Мусобақада Андижон, Наманган, Фарғона вилоятларининг иқтидорли гимнастикачи қизлари иштирок этдилар.

Мусобақа якунига кўра, бадиий гимнастика бўйича Андижон олимпия захиралари болалар ва ўсмирлар спорт мактабидан Нигина Потопчук, Мавлуда Хасановалар биринчи, Глория Флейминг, Есения Асасарова, Маргарита Семёнова, Дилноза Қўчқоровалар ўз ёшлари бўйича гуруҳларда иккинчи ўринни эгаллашга муваффақ бўлдилар.

Т. СИДДИҚ.