ЮРТИМ ТОНГИ

Қалбим эрта тонгнинг қўйнида,

Гўзалликнинг гаштини тотар.

Юракка завқ, илҳом бағишлаб,

Гуллар ажиб ифор таратар.

Қуёш балқар тоғлар ортидан,

Қушлар бошлар шодон куйини.

Олиб келар хушсафо сабо,

Тандирдаги ноннинг ҳидини.

Тонг шаббодаси эсади майин,

Янги кунни шавққа тўлдириб.

Капалаклар қаршилар кунни,

Шабнам қўнган гулга бош қўйиб.

Она каби мунис, меҳрибон,

Тонг отмоқда бахт-иқбол учун.

Қалбда жўш урар шундай туйғулар,

Ўзбекистон бағрида ҳар кун.

Муқаддамхон ОРИПОВА,

Шаҳрихон тумани.