КАСБ БАЙРАМИГА БАҒИШЛАНГАН ТАНЛОВ

Андижон шаҳридаги 3-сон болалар мусиқа ва санъат мактабида ички ишлар ходимларининг касб байрамига бағишланиб "Биз сиз билан фахрланамиз" мавзуида танлов ўтказилди.

Вилоят ички ишлар бўлими ҳамда "Камолот" ЁИҲ шаҳар бўлими ҳамкорлигида ўтказилган мазкур танловда Андижон шаҳридаги элликка яқин умумтаълим мактабларининг юзга яқин иқтидорли ўқувчилари иштирок этишди. Улар "Биз сиз билан фахрланамиз" мавзуида мусаввирлик, асфальтга расм чизиш, иншо ёзиш бўйича ўз маҳоратларини намойиш этдилар.

Якуний натижаларга кўра, Андижон шаҳридаги 31-умумтаълим мактаби ўқувчиси Нилуфар Абдуллаева, 39-умумтаълим мактаби ўқувчиси Муслима Узоқова ҳамда 11-умумтаълим мактаби ўқувчиси Азима Ҳакимовалар уч йўналиш бўйича биринчи ўринни қўлга киритдилар.

Ғолиблар фахрий ёрлиқ, диплом ҳамда эсдалик совғалар билан тақдирландилар.

У. АБДУСАЛОМОВ.