ҲИСОБОТ-САЙЛОВ КОНФЕРЕНЦИЯСИ БЎЛИБ ЎТДИ

Андижон шаҳар хотин-қизлар қўмитасининг навбатдаги V ҳисобот-сайлов конференцияси бўлиб ўтди. Конференцияда шаҳар ҳокимининг ўринбосари, хотин-қизлар қўмитасининг раиси М.Ваққосованинг "2007 йилдан 2012 йилгача шаҳар хотин-қизлар қўмитасининг амалга оширган ишлари тўғрисида"ги ҳисоботи тингланди.

Сўзга чиққанлар томонидан ҳисобот бўйича фикр-мулоҳазалар билдирилди. Шундан сўнг вилоят ҳокимининг ўринбосари, вилоят хотин-қизлар қўмитасининг раиси М.Юнусова ҳамда Андижон шаҳар ҳокими Н.Алимовлар айни кунларда вилоятимиз хотин-қизлари учун яратилаётган қулай имкониятлар, бош-ланғич хотин-қизлар қўмиталари фаолиятини янада яхшилаш бўйича маъруза қилдилар.

Конференция сўнггида шаҳар хотин-қизлар қўмитасининг бошқарув ва раёсат аъзолари, тафтиш комиссияси таркиби, вилоят хотин-қизлар қўмитасининг V ҳисобот-сайлов конференциясига делегатлар сайланди.

М. ОТАМИРЗАЕВА.