ҚОНУНЛАР ЛОЙИҲАСИ МУҲОКАМАСИГА БАҒИШЛАНДИ

Фуқаролик жамияти шаклланишини мониторинг қилиш мустақил институти вилоят бўлимида Ўзбекистон Республикасининг янги таҳрирдаги "Фуқароларнинг ўзини ўзи бошқариш органлари тўғрисида"ги ҳамда "Фуқаролар йиғини раиси (оқсоқоли) ва унинг маслаҳатчиларини сайлаш тўғрисида"ги қонунлари лойиҳаси муҳокамасига бағишланган давра суҳбати бўлиб ўтди.

Вилоят адлия бошқармаси, "Маҳалла" ҳайрия жамоат фонди ҳамкорлигида ташкил этилган мазкур анжуманда экспертлар, ҳуқуқшунослар, мутасадди идоралар мутахассислари, жамоат ташкилотлари раҳбарлари, қишлоқ, маҳалла фуқаролар йиғинлари раислари ва маслаҳатчилари иштирок этди.

Давра суҳбатида мамлакатимизда фуқароларнинг ўзини ўзи бошқариш органлари фаолиятини қўллаб-қувватлаш, такомиллаштириш, уларнинг ҳуқуқ ҳамда ваколатларини ошириш, манфаатларини ҳимоя қилиш, маҳалла фуқаролар йиғинлари раислари ва уларнинг маслаҳатчилари мавқеини юксалтириш борасида олиб борилаётган кенг кўламли ишлар хусусида атрофлича сўз юритилди.

Давра суҳбатида муҳокама этилаётган қонунлар лойиҳалари хусусида қатор таклиф, тавсия, фикр ва мулоҳазалар билдирилди.

У. АБДУСАЛОМОВ.