"КОНСТИТУЦИЯ - БАХТИМИЗ ПОЙДЕВОРИ"

З.М.Бобур номидаги вилоят мусиқали драма ва комедия театрида Ўзбекистон Республикаси Конституциясининг 20 йиллиги муносабати билан "Конституция - бахтимиз пойдевори" деб номланган тадбир бўлиб ўтди. Тадбирни вилоят ҳокими А.Усмонов очиб, йиғилганларни конституция байрами билан қутлади.

Байрам тадбирида Ўзбекистон Республикаси мустақиллигининг 21 йиллиги ҳамда "Ўқи-тувчи ва мураббийлар" куни муносабати билан юртбошимиз И.А.Каримов фармони билан тақдирланган вилоятимизнинг бир гуруҳ илғорларига орден ва медаллар топширилди.

Кеча сўнггида таниқли санъаткорлар, Андижон санъат коллежи талабалари, шунингдек, "Янги авлод-2012" республика кўрик-танлови ғолиблари ижросида қўшиқлар янгради.

Тадбирда Ўзбекистон Республикаси Бош вазирининг ўринбосари У.Розиқулов иштирок этди.

Н. ТЎХТАСИНОВ.