САВОДХОНЛИК БАЙРАМИ

Андижорн шаҳридаги 18-умумтаълим мактабида янги йил байрами арафасида саводхонлик байрами бўлиб ўтди. Унда мактабнинг олтита бошланғич синф ўқувчилари иштирок этди. Тадбирда ота-оналар, мактаб педагогик жамоаси қатнашди. Тантанани мазкур мактаб директори Вазирахон Ибрагимова кириш сўзи билан очди.

Ўқувчилар она-Ватан, Ўзбекистон, Истиқлол, устозларни улуғлаш мавзуларида шеърлар айтиб, қўшиқлар ижро этдилар. Байрамда Қорбобо ва Қорқиз болажонларга байрам совғалари улашди.

Байрамнинг мазмунли ўтишида мактаб ўқитувчиларидан Шоҳидахон Жалилова ҳамда Барнохон Мухтороваларнинг ҳиссаси катта бўлди. Фаол ўқувчилар мактаб маъмуриятининг эсдалик совғалари билан тақдирландилар.

Ш. КЕЛДИЕВ.