ПРЕЗИДЕНТИМИЗ МАЪРУЗАСИ ЎРГАНИЛМОҚДА

Булоқбоши тумани хотин-қизлар қўмитаси, маънавият тарғибот маркази, "Маҳалла" ҳайрия жамоат фонди туман бўлимлари ҳамкорлигида маҳалла фуқаролар йиғинларининг диний маърифат, маънавий ахлоқий тарбия масалалари бўйича маслаҳатчилар учун ўқув семинари ташкил этилди.

Ушбу семинар Президентимизнинг Конституциямизнинг 20 йилигига бағишланган тантанали йиғилишдаги "Инсон манфаати хуқуқ ва эркинликларини таминлаш, ҳаётимизнинг янада эркин ва обод бўлишига эришиши - бизнинг бош мақсадимиздир" мавзусидаги маърузасини ўрганишга бағишланди.

Ўқув семинарини туман ҳокимининг ўринбосари, туман хотин-қизлар қўмитасининг раиси И.Сотволдиева олиб борди. Ушбу маърузадан келиб чиқадиган вазифаларга чуқур ёндашиш, кенг тарғибот қилишда маслаҳатчилар олдида турган вазифаларга тўхталди.

Шунингдек, оила ва никоҳни мустаҳкамлаш, эрта турмушнинг олдини олиш, қариндош-уруғлар ўртасидаги никоҳнинг салбий оқибатлари хусусида кўп тармоқли туман марказий поликлиникаси шифокори Б. Тўхтаохунова, меҳнат ва бандлик бўлими мутахассиси М. Ҳолиқова эса уста-шогирд йўналишида иш ўринлари яратиш бўйича амалга оширалаётган ишлар ҳақида маъруза қилдилар.

Мазкур семинар маҳалла маслаҳатчиларининг бу борадаги билимларини бойитишга хизмат қилди.

Раънохон ЖУМАНИЁЗОВА.