ЭҲТИРОМ КЎРСАТИЛДИ

Андижон индустриал педагогика коллежида Ватан ҳимоячилари куни муносабати билан байрам тадбири бўлиб ўтди. Тадбирни коллеж директори Р.Жўрабоева очиб, барча ўқитувчилар ва ватан посбонлари бўлган йигитларни байрам билан қутлади. Коллеж бошланғич хотин-қизлар ташкилоти раиси Дилфузахон Қурбонова раҳбарлигида намойиш этилган коллеж ҳаётидан олинган "Келинлар қўзғолони" спектакли байрамга ўзгача руҳ бағишлади. Коллеж қошидаги "Зиё" ансамбли аъзолари ижросидаги қўшиқ ва рақслар байрам тадбирига йиғилганлар кўнглини хушнуд қилди.

Тадбир сўнггида ёшларни чақирувга тайёрлаш фани ўқитувчиси, байналмилал жангчи Баҳодиржон Абдуллаев тадбир ташкилотчиларига барча ўқитувчилар номидан миннатдорчилик билдирди.

Нигора ДАДАБОЕВА,

шу мактаб ўқитувчиси.