ҚОНУН ЛОЙИІАЛАРИ МУІОКАМА ҚИЛИНДИ

Андижонда Ўзбекистон Республикаси Олий Мажлиси Қонунчилик палатаси Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси ҳамда Фуқаролик жамияти шаклланишини мониторинг қилиш мустақил институти Андижон ҳудудий бўлими ҳамкорлигида "Маҳалла институти: миллий демократик анъаналар ва қонунчиликни такомиллаштириш" мавзусида давра суҳбати бўлиб ўтди.

Унда "Фуқароларнинг ўзини ўзи бошқариш органлари тўғрисида"ги ва "Фуқаролар йиғини раиси (оқсоқоли) ва унинг маслаҳатчилари сайлови тўғрисида"ги янги таҳрирдаги Ўзбекистон Республикаси қонунлари лойиҳалари муҳокама қилинди.

Тадбирда сўз олганлар янги таҳрирдаги қонунлар лойиҳалари Ўзбекистонда амалга оширилаётган демократик ислоҳотларни янада чуқурлаштириш, эркин, демократик тамойилларга асосланган кучли фуқаролик жамиятини шакллантириш, энг асосийси, ана шу йўналишдаги фаолиятни тартибга солиш, ҳуқуқий базасини янада мустаҳкамлашга хизмат қилиши, шунингдек, қонунлар лойиҳаларнинг мазмун-моҳияти ва аҳамияти хусусида сўз юритдилар.

Давра суҳбати қатнашчилари муҳокама этилаётган қонунлар лойиҳалари юзасидан тегишли таклиф, фикр ва мулоҳазалар билдирдилар.

У. АБДУСАЛОМОВ.