ИККИ БУЮК ЗОТНИ ЁД ЭТИБ

Балиқчи туманидаги 12-ДИМИда халқимизнинг икки буюк даҳоси Алишер Навоий ва З. М. Бобур таваллуд кунларига бағишланган адабий кеча бўлиб ўтди.

Она тили ва адабиёти фани ўқитувчилари С. Ҳожиева, М. Ўринова ҳамда А. Абдураззоқовлар томонидан тайёрланган ушбу тадбирда 9-синф ўқувчиларидан ташкил топган жамоалар икки буюк ижодкор ҳаёти ва ижодига оид билимлари бўйича ўзаро баҳс олиб бордилар. Йиғилганлар ҳар икки жамоа аъзоларининг билимлари тенг эканлигининг гувоҳи бўлишди.

Ўқувчилар томонидан ижро этилган Навоий ва Бобур ғазаллари билан айтилувчи қўшиқлар, намойиш этилган саҳна кўринишлари тадбирга ўзгача файз бағишлади.

Тадбирда иштирок этган жамоалар муассаса маъмурияти томонидан муносиб тақдирландилар.

Н. ТЕМИРОВА, ўқитувчи.