ҒОЛИБЛАР ТАҚДИРЛАНДИЛАР

Куни кеча "Мустаҳкам оила йили"га бағишланиб ўтказилган "Мустаҳкам оила - жамият таянчи" деб номланган танловнинг якуни ва ғолибларни тақдирланишига бағишланган тадбир бўлиб ўтди.

Танловга тақдим этилган ижодий ишлар кўриб чиқилиб, биринчи ўрин - "Иқбол" газетаси муҳаррир ўринбосари З. Абдуллаевага, иккинчи ўрин - "Андижанс-кая правда" газетасининг мухбири Ш. Иманқулова ҳамда Хўжаобод тумани "Ҳақиқат" газетаси таҳририятига, учинчи ўрин - вилоят телерадиокомпанияси махсус мухбири М. Ғофуров, шунингдек "Бурчга садоқат", "Давр садоси" газеталари таҳририятларига берилди.

Ғолибларга мукофотларни вилоят матбуот ва ахборот бошқармаси бошлиғи А. Султонов, Ўзбекистон журналистлари ижодий уюшмаси вилоят бўлими раиси Н. Саидов топширди.

Ф. ИБАЙДУЛЛАЕВ.

ҲУНАР - МЕҲРДАН УНАР

Андижон шаҳар "Иттифоқ" маҳалласида яшовчи Муқаддамхон Саттарованинг тадбиркорлик билан шуғулланаётганига 20 йилдан зиёд вақт бўлди.

Тикувчиликнинг орқасидан рўзғор тебратиб, оиласи даромадини ошираётган ҳунарманд аёл айни кунда хонадонида трикотаж маҳсулотлари ишлаб чиқаришни йўлга қўйди.

Ўзи яшаётган маҳалладаги ишсиз хотин-қизларга ҳунар ўргатиб, 50 дан ортиқ шогирд тайёрлади.

Бундан ташқари, маҳаллада касаначиликни ривожлантириб, 10 та янги иш ўрин яратди.

Ш. КЕЛДИЕВ.