ОФАРИН ҚИЗЛАР

Шаҳрихон туманидаги 46-умумтаълим мактабида "Офарин қизлар" кўрик-танлови бўлиб ўтди. Танловда 7 нафар қиз 5 та шарт асосида ўзаро беллашдилар. Айниқса, моҳир қўллар шартида уларнинг қанчалик чаққон, эпчиллиги синовдан ўтказилди.

- Бу каби тадбирлар қизларимизни ҳаёт мактабига тайёрлайди, эзгуликка, яхшиликка чорлайди, - дейди ҳакамлар ҳайъати аъзоси Мунира Мамажонова.

Тадбир якунида ғолиблар мактаб маъмурияти томонидан фахрий ёрлиқ ҳамда эсдалик совғалар билан тақдирландилар.

М. ИСАЖОНОВ.