НАВРЎЗ ШУКУҲИ ДАВОМ ЭТМОҚДА

Андижон давлат университети қошидаги 4-сон академик лицейида Наврўзга бағишланган байрам тадбири бўлиб ўтди. Байрамни лицей директори Санжарбек Мамажонов очиб, барчани байрам билан табриклади. Шундан сўнг эл хизматидаги бир гуруҳ қўшиқчилар ҳамда "Зарбулоқ" эстрада гуруҳи концерт дас-турларини намойиш этдилар.

Лицей жамоаси миллий таомлар тайёрлаш, турли спорт ўйинлари, миллий либослар кўриги бўйича танлов ва кўргазмалар ўтказиб, ўз маҳоратларини намойиш этдилар. Ғолиблар лицей маъмурияти томонидан муносиб рағбатлантирилди.

Байрам шодиёнаси барчага хушнудлик бахш этди.

М. ТЎЛАНБОЕВ.