ИЛМИЙ-АМАЛИЙ КОНФЕРЕНЦИЯ

Андижон давлат тиббиёт институтида вилоят хотин-қизлар қўмитаси, "Оила" илмий-амалий маркази Андижон вилоят филиали ҳамкорлигида "Ёшлар ва хотин-қизларнинг ҳуқуқий маданиятини ошириш муаммолари ва уларнинг ечимлари" мавзусида илмий-амалий семинар бўлиб ўтди.

Туман ва шаҳар ҳокимлари ўринбосарлари, хотин-қизлар қўмиталари раислари, прокуратура, ИИБ ходимлари, ФҲДЁ бўлимлари мудирлари,"Камолот" ёшлар ижтимоий ҳаракати бўлимлари етакчилари, маслаҳатчилар, олимлар иштирок этган мазкур тадбирда "Ёшлар ва хотин-қизларнинг манфаатларини ҳимоялашнинг қонуний асослари", "Оилавий муносабатларни тартибга солишда "Оила" кодексининг аҳамияти", "Маҳаллаларда ёшлар ва хотин-қизларнинг ҳуқуқий маданиятини оширишда участка профилактика инспекторларининнг роли" мавзуларида маърузалар ўқилди. Маърузалар юзасидан таклиф, фикр-мулоҳазалар билдирилди. Мазкур йўналишларда вилоятда олиб борилаётган ишлар, келгусидаги муҳим вазифалар хусусида атрофлича сўз юритилди.

Тадбирда хотин-қизлар ва ёшларнинг ҳуқуқий билимлари ва маданиятини юксалтиришда кенг жамоатчилик ҳамкорлигини, янада кучайтириш зарурлиги алоҳида қайд этилди.

Тадбирда вилоят ҳокимининг ўринбосари, вилоят хотин-қизлар қўмитаси раиси М.Юнусова иштирок этди.

З. ҚОДИРОВА.