"БОЛА ҲУҚУҚЛАРИ - ДАВЛАТ ҲИМОЯСИДА"

З. М. Бобур номли вилоят ахборот-кутубхона марказида кутубхонанинг ҳуқуқий билимлар сектори ходимлари томонидан Андижон компьютер технология-лари касб-ҳунар коллежи ўқувчилари иштирокида бола ҳуқуқларини ўрганишга бағишланган "Заковат" интеллектуал ўйини бўлиб ўтди.

Касб-ҳунар коллежининг энг билимли, зийрак ўқувчиларидан ташкил топган "Иқтидор" ва "Зукко" гуруҳлари қатнашчилари кутубхона ходимлари томонидан тайёрланган "Инсон ҳуқуқлари умумжаҳон Декларацияси", "Бола ҳуқуқлари тўғрисида конвенцияси", унинг моддалари, мазмун-моҳияти тўғрисидаги саволларига тўлақонли жавоб беришга интилдилар.

Беллашувда ўқувчилар томонидан вояга етмаган болаларнинг ҳуқуқлари, бурчлари ҳақидаги саҳна кўринишлари ҳам намойиш этилди.

Беллашувда "Иқтидор" гуруҳи ғолиб деб топилди. Ғолиб ва иштирокчиларга кутубхона жамоаси томонидан фахрий ёрлиқ ва эсдалик совғалари топширилди.

Р. ҲАЙИТБОЕВА.