"АВИЦЕННА" ҒОЛИБ БЎЛДИ

Андижон давлат университетида талаба ёшларнинг "Заковат" фестивали ўтказилди.

Фестиваль доирасида республикамиздаги олий ўқув юртлари жамоалари ўртасида ўтказиб келинаётган "Тафаккур синовлари" танловининг вилоят босқичи бўлиб ўтди. Танловда вилоятимиздаги барча олий ўқув юртларининг талабаларидан таркиб топган жамоалар ғолиблик учун ўзаро баҳс олиб бордилар.

Турли фанлар бўйича билимлар синовида зукколиги, топқирлиги ва фаоллиги билан Андижон давлат тиббиёт институтининг "Авиценна" жамоаси фахрли биринчи ўринни эгаллаб, "Камолот" ЁИҲ вилоят Кенгашининг "Фахрий ёрлиғи" ва эсдалик совғалари билан тақдирландилар. Бўлажак тиббиётчилар танловнинг республика босқичида қатнашиш ҳуқуқини қўлга киритдилар.

Р. ҲАЙИТБОЕВА.