"ХОТИРА АЗИЗДИР, ҚАДР - МУҚАДДАС"

Андижон тумани халқ таълими муассасалари фаолиятини методик таъминлаш ва ташкил этиш бўлимига қарашли 2-умумтаълим мактабида 9 май - "Хотира ва қадрлаш куни" олдидан "Хотира азиздир, қадр - муқаддас" деб номланган тадбир бўлиб ўтди.

Бунда Ўзбекистон халқ таълими аълочиси, Ўзбекистонда хизмат кўрсатган маданият ходими, марҳум Жалолиддин Турдиев ҳамда Азизахон Нурматова, Маҳфиратхон Қосимова каби қатор устозлар хотирланиб, уларнинг таълим соҳасида эришган ютуқлари, изланишлари ва меҳнат фаолияти ёдга олинди.

Хотира тадбири доирасида тумандаги умумтаълим мактаблари аёл ўқитувчилари ўртасида волейбол ҳамда ўқувчилар ўртасида футбол мусобақалари ўтказилди. Турнирнинг якуний натижаларига кўра, волейбол мусобақасида 18-умумтаълим мактабининг ўқитувчилари, футбол турнирида эса 24-умумтаълим мактабнинг ёш спортчилари ғолибликни қўлга киритдилар. Ғолиб жамоаларга ташкилотларнинг фахрий ёрлиғ ҳамда эсдалик совғалари топширилди.

С. ҚОСИМОВ.