АСФАЛЬТ ЦЕХИ ИШ БОШЛАДИ

Жалақудуқ туманининг Ёрқишлоқ қишлоғида қурилиш материалларини ишлаб чиқаришга ихтисослашган цех ишга тушди. Уни "Жалақудуқ йўл транс" масъулияти чекланган жамияти раҳбари, тадбиркор Ойбек Мадраҳимов ўз маблағи ҳамда банкдан олинган 70 миллион сўм кредит эвазига ташкил этди.

Натижада қишлоқ ёшларининг беш нафари учун доимий ишчи ўрни яратилди. Айни вақтда бу ерда сифатли асфальт ишлаб чиқарилиб, буюртмачиларга етказиб берилмоқда.

- ўз маҳсулотимиз билан юртимизда бўлаётган ободончилик ва бунёдкорлик ишларига ҳисса қўшаётганимиздан хурсандмиз, - дейди жамият раҳбари. - Келгусида фаолиятимизни кенгайтириб, яна еттита ишчи ўрни яратиш мақсадидамиз.

У. МАМАРАСУЛОВ.