ОРАСТА ҚИЗ

Избоскан тумани, Мойгир қишлоғидаги 39-ДИМИ ўқувчиси Ферузахон Султонова ўзининг аъло ўқиши ва намунали хулқи билан мактабда барчага ўрнак бўлиб келмоқда. У қатор йиллар мобайнида "Билимлар синови" танловининг туман ва вилоят босқичларида фахрли ўринларни қўлга киритган. Устози Умида Исмоиловадан она тили ва адабиёти фанининг сирларини пухта ўрганиб, 2012-2013 ўқув йилида она тили фани бўйича вилоят олимпиадасида муваффақиятли қатнашди

Шу йили Ф. Султонова вилоятда "Ораста қизлар" кўрик-танловида ҳам биринчи ўринни эгаллаб, Тошкент шаҳрида ўтказилган "Ораста қизлар" кўрик-танловининг республика босқичида Андижон вилояти жамоаси сафида муносиб иштирок этди.

Ф.Султонова ўқишда ва жамоат ишларидаги фаоллиги учун кўплаб фахрий ёрлиқлар билан тақдирланган. Бу эса ёш ижодкорни янада фаол бўлишга ундамоқда.

Ш. КЕЛДИЕВ.