"КУМУШ ТОЛА"ДАН МўЛ ҲОСИЛ

Маълумки, пилла мамлакатимиз саноати учун муҳим ҳом ашё ҳисобланади. Шу боис ҳам уни етиштириш масаласига алоҳида эътибор қаратилмоқда. Айни кунда вилоятимизнинг барча туманларида етиштирилган пиллани йиғиб олишга астойдил киришилди. Хусусан, қўрғонтепа туманида бу борада олиб борилаётган ибратли ишлар ҳар қанча таҳсинга муносибдир.

Айтиш жоизки, туманда ўз ишини яхши биладиган пиллакорлар жуда кўп. Улар томонидан пилла етиштириш бўйича тажриба мактаби яратилган. Хусусан, тумандаги аксарият хўжаликлар ҳар йили бу борада белгиланган режани ортиғи билан адо этадилар.

Тумандаги "Ижтимоият истиқболи" " фермер хўжалиги томонидан жорий йилда 43 қути ипак қурти парвариш қилинди. Хўжалик пиллакорларининг машаққатли меҳнатлари билан пилладан мўл ҳосил етиштирилди. Бунга хўжаликнинг тажрибали пиллакорлари қатори, мазкур соҳада катта ҳаётий тажрибага эга бўлган пиллакор Зумрадхон Эргашева ҳам салмоқли ҳисса қўшди. У етиштирилган ҳосилни йиғиштириб, белгиланган режани ортиғи билан адо этишга астойдил бел боғлаган.

Н. МУСАЕВА.

Суратда: тажрибали пиллакор З. Эргашева.